او گون کی آیریلیب اوزاقلاشدیق
اللریم الیندن
اوزولدو نجه
سون باخیشلارین آسیلدی بیر بیر
غروب شعاسی تک
کوله ک لی یوللار
ادبی
|
سنین چون یاشاماق سنین چون ئولمک سنین چون آغلاماق سنین چون گولمک اودولان گوزلرینی ابدی سئومک ان بویوک شرف دیر عومرومه منیم
حسره تینله ئوره گیمین درینلیگیندن قله میمین دوداقلاریندان سوزولن بوتون شعریم آدینلا باغلیدی دئیرسن آلیم شعرینین قاداسین اوز قاداسین آلان گورمه میشدیم کیمسه کیمسه نین قاداسین آلار بله دی قایدا سن باشقا اولدوغونا گورا سئویرم سنی
چیرپاردیم داشلارا ئوره ک آغریسین اویاردیم توکردیم دویغومون گوزون ایندی تک توتارریم سئوگیمین یاسین بیلسیدیم بو گوروش سون گوروشومدو دینمزدیم دوناردیم دونردیم داشا چیخاردیم وردیگیم سوزلری بوشا یاتاردیم عومورلوک گئده ردیم هوشا بیلسیدیم بو گوروش سون گوروشومدو اوز دونده ریب کونلوم الان تلینده ن آرزولارین تز توتاردیم الینده ن باش گوتوروب ایریلاردیم ائلیمده ن بیلسیدیم بو گوروش سون گوروشومدو یوباناردیم گوروش یرین داناردیم یوللار بویو بوزا دونوب دوناردیم ائله بیل کی گوروش یوخدو ساناردیم بیلسیدیم بو گوروش سون گوروشومدو (ائل قایایام )حسره ت دوغسا ایزیمده ن گوزوم دویماز سوگیلیمین گوزونده ن بیر آنلیقا من چیخاردیم سوزونده ن بیلسیدیم بو گوروش سون گوروشومدو
هره بیر شئی ده ن قورخور
بیری قورخور قارانلیقدان بیری حیواندان بیری بهتاندان بیری یالاندان بیری ایلاندان دوماندان قورخاندا واردی چوخو یالاندان قورخور قورخودان کئچیر چوخو ائله سی وار اوزونده ن اوز کولگه سینده ن قورخور آنجاق من سنی ایتیرمکده ن قورخورام
وارسا عومور حسره تینله یانارام قارا گونلو خوش گونه حسره ت کیمی بیر گون اولار گوزلرینده دونارام غمی آتیب ئوره کده ن بیر گوله رم حیاتیمی سنینله من بوله رم ایسته مده ن بو آیریلیق وئردی باش گوزوموزده ن هی اله ندی قانلی یاش سارماشیق تک ئوره گیمه سن دولاش توتماسا باش بو حسره تیم ئوله رم حیاتیمی سنینله من بوله رم ئوره گیمده یرین قالیر هله ده اوچوب گئتمه ز سون گونله ریم گله ده بو آیریلیق باغریم باشین دله ده سئو گین ایله وارلیغیمی بله ره م حیاتیمی سنینله من بوله رم
گوزوم قالیب بو یوللاردا
گله ن لرده ن بیریسی سن اولاجاقسان بیلیره م من آزمی دئیل نچه ایلدی بو فیکیرله یاشاییرام
نه گله ن وار نه گده ن
تک سوکوت همدمیم اولموشدو گئجه سوکولوردو بله جه غملی گورکم له نجه حسرت اوره گیمده ن قالماییب بیرجه ده ایز قلبیمین سون دیله گینده ن گز مه سن دیله گلمیش قهری اوخو گوزلر ببگینده ن
اوجا داغ باشیندا
ایاقیم آلتیندا تیتره دی بیر داش ییخیلدیم من سوروندوم هی سوروندوم هی دره نین دیبی منی گوزله ییردی اوندا دئیلم ییخیلیب سورونموشم آغریدیر منی آرخامجا گلن داشلار
(( * * * )) سنسیز دونـار عالمـــده بوتـــــون دیقه لر آنـــلار حســـرت بورویه ر غملی کئچــه ر اودلــو زامانـلار آهیــم لا یانار دیــل دوداغیــم هـر گئجه گـوندوز بــو ناله مــه ائللـر ییغیشــار هی منـی دانـــــلار سینمـاز سومو گومده دایانار پاسلی بو قانــــدال تو کـدو کجه اوغونماز اوره گیم قاپ قارا قانـــلار آزادلیقا حیسسیـم دویونور دوستــان ایچینـــده ظن نیمجه اوته ر باشـدا دوران چن لــه دومان لار روحومدا کسه ر وار آغاجیم دوشســــه ده الـــدن عشقیــن گوجونو بیلمز آیــــاق آلتـی اویانــــلار توز- توپراق ایچـینده الـه نیب باخت اله گینده ن اولمـــوش منــه یولداش ینه چوللــرده یانانـــلار دار گــــونده یتیش دادیمــا منــدن حـذر اتـمـه وارلیـــغ یــاراداق منلیگیمــی واردی دانـــانــلار اوددان بــاشا چکـدیکجـه حـاصــــار قم چاناقیندا سیرداشلیقا عهد ایلـــه دیلـــــه ر دردی قانانـــلار آی (ائل قایا) قوپموشسا یاران قاسناقی، نینه ر!! گل سیزلا ما وار سن کیمی ائــل ایچره یــانانــلار * * * * *
( آلاه ايراق . . . ) حقيقتــــده، تكجــه مـــاراق محببت وار؛ آمما قــوراغ هاني گونش!ساچسين شافاق آلاه ايـــراق – آلاه ايـــراق! ...................................... هر باخيشدا، مين بيرسوراغ كوكسون آليب،شاختا-سازاق قارا کــونول؛ واراق - واراق آلاه ايــــراق – آلاه ايــــراق! ....................................... زامان چارخي دوشموش يالاق اوفيــــرلانيــر، بيـــــز داياناق غــــم پاي، گليرقوجاق-قوجاق آلاه ايـــــراق – آلاه ايـــــراق! ....................................... ســولغونلاشار، بــــوآل ياناق كوله دونه ر؛ گوراود-اوجاق ظلمت چوكـر، سونه رچيراغ آلاه ايــــراق – آلاه ايــــراق! ..................................... ديل دايانار، سوســـار دوداق قولوباغلــــي، اولار ياســـاق " ائل قايا" دا ياردان، اوزاق آلاه ايـــــراق – آلاه ايــــراق! . . . . . . . . . . . . . . . . .
|
About
Home
|
